近年广东歌再掀起热潮，唔DJ少人将8、90年代嘅经典金曲、Y2K嘅热播歌重新Remix喺party上播，除引嚟大批Cantopop迷热捧外，仲吸引到唔少名人红星到场。好似「节拍星期五」喺30举行嘅Cantonpop Party咁，就吸引到 关智斌（Kenny）同 何珮瑜（Jeana）神秘现身，令现场观众即时陷入疯狂状！
见到Kenny到场，主脑人波盛即刻送出对方嘅专属Medley，当中有《眼红馆》、《La La世界》及《死性不改》等，令在场众人瞬即陷入回忆杀，开启全场大合唱模式，更疯狂嘅系，当播到《死性不改》时，观众们唔只跟住唱，仲连Twins嘅经典独白部分，都一字不漏咁讲埋出嚟，场面相当震撼。
身为原唱者嘅Kenny表示自己系第一次参加Cantonpop Party：「之前一直听讲过『节拍星期五』好Hit，但系工作忙冇时间嚟。最近佢哋知我就嚟开演唱会，就整咗个Kenny Medley，咁点可以唔嚟玩吓？」Kenny话见到大家听广东歌听到咁high，每首歌都可以跟住唱跟住跳，证明大家都好钟意广东歌，Kenny又指由于大家兴奋，所以最后encore咗《死性不改》同《La La世界》，之后大会又播咗《活著Viva》同Twins嘅歌，令现场成为一个大型K房咁。
