2025香港小姐竞选星期日晚圆满结束，冠军 陈咏诗 获得加冕成为新一届港姐，接受完全港传媒连串访问后，Stacey深夜返抵酒店，接受爸爸以及妹妹嘅拥抱同祝贺。而原来唔止家姐靓到成为港姐冠军，Stacey嘅妹妹亦一样省镜，仲话可能会追随家姐他日考虑参选呀。
妹妹又提到家姐对家姐报名参选唔太意外，佢亦同家姐一样好动，过往系花式跳绳运动员。Stacey就指自细就同妹妹参加唔同运动同音乐训练，到后来就专注艺术体操。
而非常斯文嘅陈爸爸，亦指囡囡一向聪颖，仲系考试天才，唔使自己担心。仲爆囡囡一向爱美，所以今次当选港姐非常引以为傲，更寄语Stacey要向外宣扬教育同行善，亦要关怀弱势，要秉承曾祖父 陈瑞祺 嘅家族慈善事业传统呀。
