2025港姐竞选圆满落幕，9号陈咏诗夺得冠军、7号施宇琪、13号袁文静分获亚军及季军头衔，而友谊小姐同最上镜小姐都成为1号李尹嫣嘅囊中物。各位佳丽经过数月准备与集训后，经历决赛后终于可以舒一口气喇。
冠军Stacey完成连串采访后，返到休息嘅酒店第一时间再接受爸爸同妹妹祝贺，Stacey仲指仍未能接受自己成为冠军，一切都觉得非常梦幻，当时更坚张到震。而陈爸爸一直在场观战，亦指自己心情七上八落呀。
而亚军Angela同季军Jane亦都话冇估计到自己可以得奖，所以非常满足，Jane仲指父母在场睇到一向男仔头嘅自己歌舞表演，展示过往佢哋未见过一面，相信会非常惊喜咁话。
出炉港姐休息一晚后，星期一已再现身正式以香港小姐身份会晤传媒，不过连获两奖Victoria就指心情仍未平复，仍未相信选美已经正式结束喇。大家都话会同家人齐齐食饭庆祝，Angela仲非常幽默指会食寿司庆功，不过就一定唔会食8万蚊咁贵喇。
至于Stacey亦被传媒揭开家族属大慈善家陈瑞祺后人，佢就指屋企非常注重教育以及回馈社会，自细已耳闻目睹屋企嘅方针，亦会追随行善传统。
参与比赛一定有人欢喜有人愁，后台就见到4号莫凡赛后非常感触落泪，五强止步嘅佢就指收到朋友鼓励后就难忍泪水，3号蔡华英就一直在旁打气安抚。
