Chantel 姚焯菲日前正式启程远赴美国纽约，踏足一个佢首次去嘅国家同城市。抱住既期待又兴奋嘅心情迎接未来几年嘅大学生活，Chantel以「开学大吉」为题出帖文，纪录自己初到贵境嘅画面。
戴住黑超喺纽约街头逛街嘅Chantel，充满女性时代感，佢喺纽约著名打卡点留倩影。Chantel未来四年将会喺全球排名第16位嘅著名学府纽约大学，修读Music Business课程，正如Chantel之前所言，佢好期待喺当地认识嘅知名制作人，喺大家身上学习。
另外，李克勤嘅大仔李立仁同样获纽约大学艺术学院取录，修读电影电视学系，成为著名导演李安嘅师弟。