杨丞琳今年8月自爆身体出状况，透露早前忙于完成手上工作及演唱会后，曾消失一个月就系因为要入院做手术，佢专心休养咗一段时间，㖊日宣布睽违五年，再次推出全新专辑，继续努力作，佢首支主打单曲《房间里的大象》以「大象」为隐喻，描绘深藏心底却难以讲出嘅伤痛与不安，呈现出杨丞琳喺音乐中对成长与自我和解嘅深刻思考。
杨丞琳早前为新歌专辑「变发」，换上俐落短发搭配少女感空气浏海，挑染蓝色展现与以往不同嘅面貌，瞬间减龄10岁，老公李荣浩同好友蔡卓妍都赞靓，当时唔少粉丝已估到佢即将出新歌！
杨丞琳今次唱新歌以真假音交替，揭开外在伪装，将脆弱与勇气交织进旋律，为听众带嚟一场赤裸而真诚嘅心灵对话。杨丞琳喺录音时并未一气呵成，而系反复斟酌为咗让每一句尽可能直觉、真切，佢重录咗几次。
杨丞琳第一次听到新歌demo时，就觉得旋律动人，当细读歌词后，佢更觉得有一种难以言说嘅缘分 ：「不是刻意去找人写我的心情，但这首歌恰好能完整表述我这几年的感受。」 杨丞琳认为呢首歌并唔需要炫技，而系要用柔软声线唱出温柔嘅坚定。
杨丞琳话最喜欢一句歌词系「爱是一万次成长，好坏我全都珍藏」，甚至喺录音前就放进自己嘅社交媒体简介。杨丞琳喺MV中呈现三位素人角色嘅故事，包括过劳嘅上班族、被未婚夫抛弃嘅小资女、遭欺凌嘅高中生，希望透过最日常、最普遍嘅处境，让更多人共鸣，杨丞琳直言随住年纪与经验增加，发现逃避并非解决方式，真正成长系接受呢啲情绪，并学会与它们共处。
