周慧敏现身上海分享冻龄秘诀 张洪量卸下牙医重投音乐创作

周慧敏(Vivian)、阿牛、品冠、辛晓琪、陈明真、张洪量、裘海正同飞儿乐团等齐集上海一个音乐盛典。Vivian为表诚意即场以上海话跟大家打招呼,佢又话早前收睇剧集《繁花》,觉得好好睇,决定要睇埋上海话版本。


57岁Vivian贵为一代「玉女奖门人」,仍然保养得宜,气质满满,佢话心境就系最好嘅保养品,因为本身性格易于满足同带点童真。辛晓琪喺盛会上献唱经典金曲《味道》,依然会被歌曲所感动,被全场观众嘅歌声而感动,差啲泪崩台上。


张洪量26年前一曲关于自己初恋嘅作品《妳知道我在等妳吗?》红透半边天,再演绎成名作,佢直认感到百感交集,因为每次重回当刻嘅情感同回忆。张洪量当咗廿多年牙医,现时已经退休,佢透露重投30、40年前,未有完成嘅音乐创作,写一啲重金属同嘻哈类型音乐作品。