由陈友 黎瑞恩 张与辰 及 赵浚承 主演嘅音乐剧，呢晚完美收官，肥妈同一班中声家族、仲有钟镇涛以及专程由澳洲返港嘅叶智强都有嚟捧场。虽然因为之前台风关系，令剧组彩排时间受到影响，但系最终大家都可以顺利完成演出，兼获得观众好好嘅回响，陈友同小恩子都觉得好感恩同感动。
陈友仲话，当小恩子喺轮椅上一边唱一边流眼泪时，佢都要提自己控制住，唔可以喊，因为会唱唔到落去。陈友太太都有现身支持，仲鼓励老公要继续做落去，简直系忠实观众！而肥妈亦边睇边喊，更笑言被刘洋一直观察，一喊就听到佢讲：「妈，要哭了、要哭了。」肥妈仲话，希望中声家族可以有自己嘅舞台剧添！
两位中声唱将与辰同浚承，就分别饰演B哥哥钟镇涛同校长谭咏麟，而呢晚B哥哥仲系座上客之一，与辰都话会压力，不过自己都唔再谂太多，加上呢次造型令佢地好似变成另一个人咁，都有另一种新鲜感觉。
浚承呢次演出，太太就因为要忙住带阿囝返学，而未能来港捧场，但系佢都好关心浚承嘅工作，尤其系嚟紧浚承将会推出新歌，所以佢都好紧张老公MV女主角人选。浚承仲自爆收到老婆讯息，问新歌MV女主角有样睇未？浚承就安抚老婆，目前人选未定，尽可能唔要女主角。与辰向浚承献计瞒天过海，到时同老婆讲，MV女主角系AI人就得！
