GM叶蒨文首情侣档出席活动晒冧样 幸福互笠高帽认恋情后已见家长

叶蒨文（Sophie）及曾展望（GM）呢日现身闹市吸引大批途人围观，女神Sophie嘅大露背非常吸晴，今次系二人公开拍拖后首次以情侣档身份出席活动，Sophie全程展现冧冧样。

GM笑指情侣档出活动非常兴奋，寓工作于娱乐，讲到平时GM有冇准备惊喜，一脸幸福嘅GM话讲出嚟就唔惊喜，Sophie就话GM肯参加《女神配对计划》已经系最大惊喜，觉得好浪漫。

GM日前出咗一个认错帖文，称自己唔记得与爱车「Baby」嘅5周年纪念日，身边嘅Sophie即扮呷醋质问边个「Baby」，GM笑笑口表示要「弃养」，只要Sophie够晒。问到中秋节会唔会带女友见家长，GM话阿妈识Sophie，已正式见咗家长，仲话屋企人觉得Sophie系完美，而Sophie赞GM家人好好，教出一个咁有教养又心地好嘅阿仔。