由 刘伟强 同 麦兆辉 执导，周杰伦、陈冠希等主演，改编自日本人气漫画嘅电影《头文字D》，今年上映转眼满20周年。电影公司特别推出4K修复版重返大银幕，两位导演以及为电影配乐嘅 陈光荣 作客《StatTalk》，同大家分享当年拍摄电影背后嘅趣事。
刘伟强透露当年自己完全唔识边个系周杰伦，电影公司老板要求佢飞去台湾casting，搞到佢心生不满。而麦兆辉就透露当年陈冠希原系藤原拓海嘅人选之一，但因为周董性格同拓海较为接近，所以敲定由佢饰演拓海。
电影中有大量飞车场面，麦兆辉透露其中一场甩尾戏，杰伦要求亲身上阵，但最后不慎炒车，刘伟强大爆杰伦当时吓到面都青埋，佢唯有以另类搞笑方法安慰对方。
当年戏中女主角揾来青春无敌嘅日星女性 铃木杏 演出，不过佢又抽烟又援交嘅人设令大批漫画迷大跌眼镜，刘伟强更加码自爆当初麦兆辉要求自己扮演女主角嘅「sugar daddy」，不过为顾及形象唯有拒绝，爆笑内容搞到主持 王镇泉 笑到肚痛。
