《声秀》16强学员日前首次现身公众面前，参与Busking公开演出，仲同节目中收获嘅Fans近距离见面，场面非常热闹。而 陈卓怡 跳唱演出后被唔少网民大赞演出，呢日佢亦公开献唱《未知》时，一样表现自在，非常放松，自言系四眼妹嘅佢，仲话好努力同观众眼神交流呀。
一连两日嘅活动除咗参赛学员之外， 孙汉霖 同 林沚羿 亦有参与同大家打气，导师 钟舒漫 亦都亲自到场为旗下组员打气。Haru仲指台下冇评审心情轻松唔少，Jasmine就话同观众互动非常开心，Sherman就指呢次演出非常可以帮助学员面对之后比赛呀。
Jeffrey虽然早前被淘汰，不过唔少人都睇好佢未来发展可期，佢仲指自己心态比之前更为成熟淡定。至于苏永康组嘅3位学员，都认为系热门之选，其中Jenny仲被封为「初恋女神」，搞到队友Ryan都话唔想同佢合唱呀。至于布子呢日一头金发现身，佢就指希望大家都会钟意自己嘅新形象咁话。
《声秀》星期日晚 20:00 翡翠台