新剧《巨塔之后》第2集剧情，讲述 吴若希 同 刘佩玥 与继女到树林寻找遇飞机意外失联嘅老公同囝囝，Jinny同阿Moon先后演技爆发，喺暴雨下痛哭认尸画面令观众动容。
拍摄当日嘅镜头以外，Jinny心情都较为轻松，坐埋一边等埋位时，突然仰天高呼「可唔可以赐我一个精壮嘅男人」，即时令身边正投入丧子之痛情绪嘅阿Moon爆笑。
正如Jinny所讲，要投入呢幕树林寻夫戏，好彩有总监制钟澍佳悉心讲解，令佢更易掌握。而阿Moon除咗自己戏份之外，仲帮手同现场外藉演员排戏，解决言语沟通问题。
《巨塔之后》星期一至五 20:30 翡翠台