周柏豪现身杭州出席见面会 获粉丝安排巨型应援打卡公仔

周柏豪 一直都珍惜同粉丝见面互动机会，早前佢就去到杭州，出席粉丝见面会，同数千名粉丝共度难忘一夜。偶像难得到访，当地粉丝亦花尽心思为柏豪安排应援宣传，既有露天大屏幕广告，亦有巨型公仔等多款不同设计嘅打卡位。

为咗报答粉丝嘅支持，柏豪特意抽空到打卡站拍照，更放上社交媒体留念。眼见大家嘅爱戴，柏豪话无论系边一类型嘅应援，都感受到粉丝支持自己嘅心思，当中感动更超越笔墨所能形容，所以佢承诺要将每处嘅粉丝见面会同所有工作做到最好，借此答谢大家对佢嘅爱护同支持。