杨思琦 呢日作客 薛家燕 主持嘅电台节目，家燕姐话已经两、三年冇见过对方，知道对方出新歌，当然要邀请佢嚟倾吓偈，加上新歌嘅歌名《三个人的爱情太拥挤》，令家燕姐联想到唔通思琦讲紧自己嘅故事？呢日思琦就解答家燕姐嘅疑问，指新歌系讲朋友嘅故事，佢又话对上一首推出嘅歌先系讲自己嘅故事。
家燕姐话听完思琦首新歌，觉得对方越唱越好，佢又指应该系归功思琦喺直播平台，因为观众点唱嘅要求即点即唱，所以令佢嘅歌声越唱越好。
思琦一直未有公开囝囝嘅生父系边个，家燕姐就坦言有问过对方，仲话思琦承诺呢个秘密会迟啲话佢知。至于讲到中秋节嘅安排，思琦就话中秋前自己都会喺内地工作，所以希望可以赶到返港同家人食饭，而家燕姐就表示自己要到马来西亚工作，故希望中秋前可以返港人月两团圆。
