龚嘉欣 谭凯琪 林淑敏 许家杰 李佳 同 沈宗贤 参与「TVB爱心义工队」举行嘅「爱在中秋」活动，大家一齐同老友记欢聚预祝中秋。佢哋除咗同一众老友记做健身操、玩游戏兼大派中秋福袋，李佳同沈宗贤更悉心挑选歌曲献唱，令现场气氛非常热闹。
嘉欣话好多人觉得做善事系帮人，其实刚刚相反，因为系帮紧自己，好似自己平日好少机会早起身，而今次为咗参与活动，就一早起身同老友记做健身操，过咗愉快一日。Zoie就话最开心系玩咗好多儿时游戏，好似「收买佬」，全场气氛好开心。
嘉欣荣获TVB「2025下半年杰出员工嘉许计划」得奖者之一，佢直言系受宠若惊，因为要得到呢个奖系绝对唔容易，因为要见评审经过面试，佢话自己前一晚系紧张到失眠，因为唔系自己接触嘅范畴。
林淑敏同许家杰都系义工队嘅常客，而每次参与活动，佢哋都话被老友记嘅魄力所感染，更加喺对方身上得到无限欢乐。佢哋又感激公司嘅义工队出心出力，许家杰话好多同事都系将自己放假嘅时间拎嚟行善，好值得敬佩。
