扮嘢界始祖 卢海鹏 苏珊 叶泓声 同 莫凯谦 出席青少年歌唱比赛，鹏哥话自己年青时冇参加过比赛，因为当年冇呢啲比赛，佢形容自己系随街玩，参与剧团周围演出攞经验。
见到鹏哥精神奕奕现身，佢话自己身体无嘢，平时每朝都会跑步半小时。饮食又一如以往，佢仲妙如连珠话自己乜嘢都食得，乜嘢都疴得，令Gordon同莫凯谦大笑。
Gordon已第二年担任比赛评判，佢话上年都估唔到参赛者咁出色。讲到两岁大嘅囡囡遗传咗自己嘅演艺天份，仲话囡囡经已识跳佢嘅舞。至于细细个就参加比赛出道嘅莫凯谦，佢希望靠自己力量，去帮助年青人追梦。
