跟林敏骢 吕方 张卫健相识多年 杜德伟分享与三位友昔日往事

即将开骚纪念入行40周年嘅 杜德伟 ，除咗举办演唱会外，TVB亦特别为Alex制作咗个特辑，喺呢个咁重要嘅时刻，又点少得一齐成长嘅好友现身呢！节目组就特别邀请咗同Alex相识几十年嘅好友 林敏骢 、 吕方 、 张卫健 等一齐现身分享昔日点滴。

林敏骢就话同大家冇见几十年，一见到啲回忆就返晒嚟，好似返返去十几二十岁嘅时光咁。林敏骢又指Alex系一个真正嘅表演者，好想睇对方跳舞，同时又笑身旁嘅吕方唔识跳舞。之前Alex开记者会，林敏骢二话不说即刻答应现身支持，佢话因为Alex系真正嘅好朋友呀。

Alex同吕方、张卫健都系参加新秀而入行，多年嚟佢哋虽然唔系成日见面，但大家一直Keep住友好关系，Alex同吕方仲惯性一见面就手拖手，感情相当好，不过问到佢哋见面会唔会揽下对方？吕方就话自己啲肌肉太劲，怕顶亲对方呀。两人相识处四十载，佢哋都话大家要对方做咩都会答应，不过问到会唔会做对方演口会嘉宾？吕方就话今次佢特登拒绝咗，因为佢话每次嘉宾都系佢实在系太闷喇。而Alex亦分享与几位好友曾经一齐做过嘅事，仲话系TVB造就咗佢哋嘅缘份呀。