GM曾展望近期人气爆灯，呢日去商店做一日店长，大批粉丝到场举起GM同女友叶蒨文（Sophie）嘅应援牌支持，不断大嗌GM好靓仔，粉丝嘅爱绝对系GM最大嘅动力，令佢近排工作源源不绝。
GM将喺新节目挑战歌艺，自爆每日唱歌冧女友Sophie，有时拣歌嚟唱都问女友意见，要Sophie做第一个观众。10月27号系Sophie三十三岁生日，GM同Sophie首次以情侣身份过生日，GM亦承诺为女友炮制惊喜，但系呢刻希望保持神秘感。
《女神配对计划》大受欢迎，节目告一段落随即传出开拍第二季，GM大派贴士畀未来嘅求爱勇者，话正所谓「一胆二力三功夫」，必定系要放胆出击，并唔需要太多取悦技巧，要用真心去打动女神！
