车婉婉 一向非常着重家人挚亲，日前佢参观一个健康资讯体验馆，忆起陪伴患有脑退化症家人嘅经历，再透过自身故事，希望大众了解脑退化症，唔好令照顾者独自承担痛苦。
婉婉忆述照顾家人嘅4年经历，佢话：「最初以为婆婆只系『老糊涂』，直到佢唔知系咪将一千蚊当成一百蚊使，银行帐户最后只剩五十几蚊时，先醒觉有啲唔对劲。」
婉婉提及家人十多年前患病初期嘅疏忽，语气充满自责。佢忆述婆婆起初只系记性变差，好似忘记刚放好嘅钥匙、重复询问同一个问题：「当时我成日话『你点会又唔记得嘅』，而家谂返起，𠮶啲都系病症嘅讯号。」后来症状逐渐加重，婆婆开始出现多疑症状经常闹人，甚至试过将我昂贵嘅牛仔裤拎出嚟，仲将「须须线」位用剪刀全部剪掉。
近期婉婉嘅奶奶出现同样病征，婉婉话自己对脑退化症认识更多，所以照顾时亦识得体谅同包容，佢提醒大家：「唔好以为『无记性』系正常嘅，听力受损、社交孤立呢啲都可能系风险因素，好多症状都可以透过早期关注嚟减少患病嘅机会。」佢强调照顾者从来唔系『一个人的战斗』，有好好多有心机构好似赛马会耆智园，会为患者同照顾者努力，令大家唔使独自支撑。
