由两男一女组成嘅全新唱作组合FYP，成员包括主音Emiko（徐嘉蔚）、结他手Billy Long，鼓手兼队长霍金。三人于大学时期认识，曾一齐表演及Busking，后来Emiko以独立歌手发展时，三人都形影不离，喺背后肩负作曲、编曲、监制等岗位。
作为2025年嘅唱作组合，FYP嘅出道作〈星辰燃烧之时〉，系柔合热爱演奏摇滚音乐嘅队长霍金，所自学嘅鼓技，以及Emiko喜爱嘅J-Rock与中乐两大元素，所创作出中日流行交汇嘅摇滚歌曲。
新歌系一首关于世界末日嘅歌曲，导演为咗营造末世感觉，特别选择于八乡废车场拍摄，而佢哋喺MV中所穿着嘅服装，更系喺日本嘅古著店选购而嚟。
MV入面Emiko要着住一对20CM高嘅木屐嘅玩火把，由于火把好重，加上著住长袍嘅佢要不停转，令Emiko尽得相当论尽，佢自嘲姿体动作向来差，所以呢次对佢嚟讲好得挑战性。除咗玩火外，MV中Emiko仲要玩电子古筝，佢笑言由于弹古筝时要配合灯光，画面就犹如祭坛一样，令佢觉得自己超型。
新歌嘅创作源于Billy Long一次讲起末世嘅话题，佢指如果末日真系来临，大家又应以咩心态去面对？有人会觉得惊，亦有人觉得把握时间抱紧身边所爱，就系因为咁队长霍金结集队员对末日嘅想像，创作出〈星辰燃烧之时〉嘅旋律，而对末日议题感兴趣嘅Emiko，就联同友人何煦仁一同谱上歌词。FYP感恩可以邀请到T-Ma监制佢哋嘅出道作外，更邀请到日本编曲人 Akitsugu Fukushima合作，成为佢哋嘅强心针。
