周吉佩呢日出席一个以追梦为主题嘅电台活动,讲起追梦吉吉绝对系代表人物,自从第一届《中年好声音》夺冠后,佢就工作不断,仲推出多首歌曲,完全可以话系梦想成真。
![]()
嚟紧12月吉吉就会去到佛山开骚,佢预告将会重新编排歌单,务求畀到大家耳目一新嘅感觉,吉吉话知道佛山有好多歌迷都系广东歌爱好者,所以今次演唱会会唱一系列80后好喜欢嘅广东歌,佢话希望到时可以嚟个千人卡啦OK,同大家一齐唱歌。![]()
呢日由林智乐担任活动MC,主持经验越嚟越丰富嘅Felix话自己入行资历尚浅,仲有好多进步空间,所以近期佢就去咗上张敬轩嘅课程嚟增值自己,Felix话轩公好好,每次上完堂take break时,对方都唔系自己去休息,而系问佢有冇咩地方唔明,又会做一啲示范,Felix指轩公不论喺工作上定系做人处事方面,对方都无私分享,大方程度都搞到佢有啲唔好意思。
![]()