蔡一杰接受脑部手术休息一年后，终于以大勇姿态归队现身草蜢巡演新加坡站嘅舞台，开骚前蔡一智就喺后台与众人高呼「蔡一杰 强势回归」，以振士气。
骚后蔡一智再次恭喜蔡一杰顺利回归舞台，佢形容呢晚嘅观众相当投入，仿佛系贺佢回归舞台。蔡一杰话已经有一年冇上舞台，自己都系用一个平常心去上台，佢又话可能会有朋友担心佢重踏舞台嘅情况，但佢就大派定心丸，指同以前上台无咩分别，叫大家唔驶担心佢呀。
演出当晚适逢系草蜢已故发型师兼好友Jacky Ma嘅生忌，三子以歌声缅怀故友，又自爆喺彩排时已经忍唔住落泪，蔡一智话因为导演安排播出大量佢哋嘅合照，估唔到彩排时自己只系想回头望一眼，就已经唱唔到落去，所以佢哋三个都话，喺正式开骚时点都唔敢回望身后嘅大屏幕。
