处境剧《爱・回家之开心速递》嘅一众演员作客节目全新知识问答综艺节目《攻你上大学》，一齐挑战小学至大学嘅问题。一著起节目组为嘉宾准备嘅校服，至少65年冇再著起过校服嘅刘丹，亦因为呢次限定学生造型而勾起中一时对一位同班女同学嘅回忆！丹爷话𠮶位女同学会将校服衬衫拉起，变成露脐装，读完中二上学期就因为突然怀孕而退学，呢段回忆令吕慧仪、张景淳都听到「哗」一声啊！
汤盈盈喺丹爷访问途中突然拎住一张男同学嘅相出现，话相中人系佢男朋友嚟！但实情原来系，相中人系16、17岁学生时期嘅丹爷！丹爷话呢张相连佢自己都冇，所以要没收珍藏！
而喺咁多位「学生」之中，大小姐林淑敏嘅孖辫学生妹造型就成为焦点之一，连我地嘅主播许文轩都话，净系睇背景都认唔出系大小姐本人。 淑敏笑称要同广大学生Battle一下，要令大家吓一跳。另一位令大家眼前一亮嘅「女学生」就系樊亦敏，Amy就话自己专长「无知」，要做无知学生。
