许廷铿（Alfred）、李幸倪（Gin Lee）、吴若希、张驰豪、泳儿等近百位歌手出席一个电台颁奖礼嘅记招，适逢万圣节将至，一众歌手悉心打扮现身，讲到《声秀》决赛举行在即，泳儿自认喺最后冲刺时间要化身魔鬼导师，对自己学员柯雨霏（Ophelia）非常有信心，尽力逼出Ophelia嘅潜能。
吴若希曾跟前辈Benz哥许绍雄合作，得知Benz哥离开，佢觉得好难过，知道Benz哥系希望大家开心，佢锡嘅人同锡佢嘅人都会保持微笑面对，始终有日大家会喺唔同嘅空间去见到面。
Dear Jane所属嘅唱片公司歌手拉队出席，以行动「破冰」成为焦点，呢日焦点就系梁钊峰首次回应分手风波，佢盼望专注工作拒再谈感情事。
许廷铿自组公司做独立歌手不经不觉4年，早前相约歌迷打匹克球（Pickleball），许廷铿笑指推介做运动比推荐美食更健康，通常好食嘅嘢都唔系最健康。同场嘅张驰豪以帅气机师造型亮相，话可惜《飞常日志2》未有揾佢演机师，佢好恨讲经典对白！
