胡定欣 10月初无预警地喺社交平台贴出婚照，表示自己与医生 陈健华 于新西兰圆婚，正式成为人妻。由于定欣对婚礼相当口密，就连胡说八道会嘅几位姐妹都系喺定欣PO婚照后先知道，早前胡杏儿出席活动时，就透露媒体呼吁定欣好快啲揾佢。
对于好姐妹嘅呼唤，定欣终于作出回应，日前就就约咗胡杏儿与老公、陈山聪同太太Apple、袁伟豪与张宝儿、胡蓓蔚同单立文一齐相聚。席上杏儿为好姐妹送上一对巨型龙凤鈪，并即场为对方带上，搞到定欣感动到眼泛泪光，佢喺帖文中写道：「好姊妹果然系讲得出做得到😂佢真系打咗对龙凤鈪俾我做礼🤩😍🤣😝 无论金价有几高，我都会好好收藏！Thank you Sis!~ 」仲搞笑咁话下次要戴住出骚。而杏儿亦留言回复：「能够亲自帮妳带起哩对龙凤鈪，我真系好欣慰！🥹🥰👰🏻🤵🏻♂️❤️」
除咗晒出龙凤鈪外，定欣另一个post就同咁多位好友道歉，原来定欣为咗搞婚礼而缺席山聪嘅生日，又冇回复袁伟豪嘅短讯，佢喺帖文中写道：「呢班村民太了解我…陈山聪生日又话嚟唔到，Uncle Ben的Message又唔覆，一定系有啲嘢😂系呀！咪就系岀嫁啰，终于可以同你哋分享啦！多谢大家体谅我如此口密!~😘😜」而众好友就喺呢个post下留言祝福，其中张宝儿仲留言话：「下次要不要轮到袁咕碌滚床单服务？🤭😘祝陈生陈太百年好合！幸福舒心！🌹🌹🌹」
