薛家燕同龚嘉欣一齐去到食品制作中心出席善心活动，联同一众主礼人见证膳食支援计划展开重要嘅里程碑，佢哋又同老友记一齐品尝餐点，家燕姐唔只赞不绝口，仲话为独居及有需要长者送上温暖饭盒，其背后含意系令佢哋明白，仍然有人关怀佢哋。
对于许绍雄日前离世，曾与对方合作过嘅家燕姐，就表示感到好突然同伤感，唯一令佢感到释怀嘅，就系知道Benz离开时唔系太辛苦。家燕姐又赞Benz为人好好，对方喺圈中嘅人缘相当好。
嘉欣经常参与慈善活动，尤其钟意同老友记倾偈，因为觉得特别有亲切感。嚟紧佢会再同肥妈及鼎爷开拍饮食节目，嘉欣话非常期待，因为成个过程都会好有口福。
