黄剑文最近密密接Job，嚟近会同中声成员去新加坡出骚。日前Kimman出席「香港音乐剧节 2026」记招，佢所主演嘅音乐剧以哥哥张国荣为故事主题，将同一众演员即场演唱哥哥嘅《Miss You Much》。
音乐剧即将喺明年初再度公演，虽然Kimman要面对唱、跳、演会觉得紧张，不过有咗第一次经验后，佢心情兴奋，亦好开心可以同演员们重聚。
Kimman嘅外公早前离世，出席完告别仪式后，佢喺社交平台贴出多张合照怀缅外公，仲话外公教识咗佢好多嘢，特别系「坚强」，自己亦从公公身上感受同学识「爱」。
Kimman最近返咗中学母校演出，令佢谂返起少年时期嘅暗恋往事。Kimman就话当年暗恋嘅女仔同自己同姓，仲要系同年同月同日出世，所以有段时间都会揾呢个女仔玩，暗恋到最后亦变做明恋，不过呢位同学最后出埠读书，而家已经结咗婚喇！
