陈惠敏、李龙基、梁小龙、刘永同火星日前出席活动，久未喺香港露面嘅梁小龙，今次专程返港，佢透露自己永不言休系因为屋租好贵，仲有2个小朋友喺海外读书，所以自己要锻炼好身体不停揾食，亦祝大家身体健康。
刘永同前妻黎燕珊嘅囡囡刘咏诗，喺6月嘅时候举行婚宴暨弄瓦喜酒，不过刘永就冇出席。刘永解释，因为自己有工作在身而去唔到，不过私下有向囡囡送祝福，亦会约食饭。刘永表示，自己仍然工作，系因为工作令人有活力，唔会因为冇嘢做而闷。
基哥嘅工作做到冇停手，今年不停到海外出骚，会下粉丝之余仲可以赚钱，佢亦预告喺圣诞节档期会去澳洲登台揾真银！
