张驰豪 方玉亨 卢信宥 同组合 XiX 一齐出席商场活动，获大批粉丝捧场，喺人群当中，仲见到张继聪 同 谢安琪 两夫妇嘅踪影，原来佢哋系嚟捧囡囡张靖场，因为囡囡有份参与跳舞演出。
Aska近排忙于为新剧《飞常日志2》开工，佢话好荣幸参与演出，加上实景拍摄，令佢踏足机场唔少地方。剧中同洪永城及戴祖仪较多对手戏，佢指有Joey在场就永无闷场，而Tony就不停同佢哋倾谈富哲理嘅人生道理。
方玉亨参与完选秀节目《亚洲超星团》之后，就飞到韩国参加另一个选秀节目，佢话过程中获益良多，仲学识珍惜跟家人同朋友相处嘅时间。卢信宥透露将会推出新歌，十一月中会喺马来西亚同香港举行宣传活动。
女团XiX三缺一亮相，佢哋话队友Kiele将于圣诞节返港，届时就可以齐人上阵。讲到万圣节会扮咩造型，佢哋就异口同声话要扮恩师Eric Kwok，仲形容出Eric Kwok平日嘅神绪，话咁样扮先似。
