罗子溢、陈晓华、何广沛、郭柏妍、陈浚霆、罗天宇、陈星妤等一众台庆剧《金式森林》演员，呢日换上连动装打pickleball，陈浚霆同罗天字仲各自孭起剧中CP对垒，而子溢就展现手臂肌肉，公主抱抱起陈晓华影相。
活动上监制林志华公布，剧集喺内地社交平台相关话题曝光量超过7.5亿，开播后喺影音平台连续16日登顶权谋剧榜第一位，而香港社交平台浏览量超过三千万，令到众人都感到相当鼓舞。
重温《金式森林》家族情仇
剧集进入白热化阶段，陈晓华同子溢嘅关系仲有微妙变化，子溢就话呢个系当初佢同陈晓华设计嘅位，佢指人要有爱，先可以喺冇利益下再继续去无条件咁帮对方，而嚟紧子溢喺剧中将会被追杀，佢笑言到时会上演美人救英雄嘅一幕。
何广沛同陈浚霆呢对兄弟喺剧中势成水火，有幕两人喺邮艇上嘅争执戏，佢哋由船上打到落海，何广沛仲爆拍呢场争执戏时，陈浚霆就发生咗小意外受伤呀。
《金式森林》星期一至五晚 21:30 翡翠台