75岁嘅资深制作人甘国亮已有一段时间冇喺公开场合亮相，今日有报道指佢疑似患上失智症，被警员带往将军澳警署，再送往医院接受治疗。其密友Alex王士维接到传媒查询事件时，立即挂断电话，未作任何回应。
身为甘国亮好友嘅贾思乐受访时证实甘国亮近年身体欠佳，对于被指送院治疗，Louie亦好担心，又指甘国亮在港并冇亲人，多年来跟密友Alex相处。Louie三个月前曾与甘国亮倾咗成个钟电话，Louie话甘国亮喺电话入面同佢道歉，话因为身体唔好，去唔到旧年10月佢举行庆祝登七兼入行50周年嘅演出，当时甘国亮未有透露身体有咩毛病。
