陈晓华感谢观众喜爱与郭晋安老少配CP 姚子羚期待胡定欣搞聚会庆祝新婚

姚子羚、陈晓华、黄子恒日前现身马来西亚出席TVBI同当地一个集团嘅签约仪式。Hera喺台庆剧《金式森林》表现亮眼,唔少观众好钟意佢同郭晋安呢对CP,Hera好感谢大家嘅支持。


Hera已经睇晒大家嘅留言,亦知道自己要继续进步,对老少配CP受欢迎,全赖编剧同安仔功劳。至于Hera有份演出嘅《新闻女王2》即将喺香港开播,佢预告自己嘅角色会震撼大家,一改懦弱性格。 子羚好姐妹胡定欣早前宣布同医生男友已结婚,子羚就话自己比大家早少少知呢个消息,亦为好姐妹感到开心。对于定欣会唔会喺香港设宴,子羚话大家有同定欣提议搞一个小型朋友聚会,等定欣得闲啲先再讨论。


子羚另一位好姐妹李施嬅就同前未婚夫车崇健齐齐参加内地综艺节目《再见爱人》第五季,被指有复合可能,子羚就冇听过呢件事,叫大家问返当事人好啲!


讲到接落嚟嘅工作计划,子恒就预告出年会有2部作品同大家见面。其中一部系自己期待已久嘅《武林》,角色造型特别,而且武功高强。