《中年好声音3》唱将 王郑浚仁 型爆现身录影厂，为人生首支单曲《我就是舞台》拍摄MV，新歌系为Rax度身订造，完全道出佢由参赛、毕业到成为歌手嘅追梦之路。讲到新歌需要挑战舞步，佢都直认唔易跳，仲要喺有限嘅时间内学识。而新歌除咗国语版之外，仲有英文版，因为歌曲本身节拍性好强，如果再做多一种语言，可以提升到另一个层次。
为咗配合歌曲内容，Rax先后以几个造型现身MV当中，而每个造型都系呈现不同感觉。MV中除咗有四位舞蹈员，仲加入四位靓女演员一齐演出，如此庞大拍摄阵容，Rax自觉好幸福同感恩。
推出首支单曲，同时代表Rax正式出道进军乐坛，踏出重要一步，佢期待新歌会受大家喜爱，亦希望可以多啲现场表演，亲自演绎新歌畀大家听。
