许冠文 呢日全家出动，现身陈子慧嘅个人艺术展开幕仪式。Michael同 陈子慧 相识多年，更被陈子慧形容系「师父」一样嘅角色，而Michael亦好欣赏呢位老友对艺术嘅态度。
Michael形容陈子慧性格同自己好似，一样都系对艺术追求极致，而且陈子慧嘅冰画作品有一种难以形容嘅吸引力会令人著迷，自己亦唔明白点解。
直到有一日，陈子慧亲自解答，以冰画为例，佢将冰吊起，冰自然溶化成为水滴，滴落纸上时会绽放出唔同图案，呢样就系利用大自然力量创作。大自然画七成，陈子慧画三成。Michael更搞笑形容，自己当初听完，认为系陈子慧邀请上帝作画，上帝画七成，陈子慧画三成。
