《中年好声音4》今个星期上演决战大湾区，当中不乏实力强劲选手，范顺安同雷小雷分别选唱两位歌王张学友同王力宏嘅经典情歌以骚唱功，尤其范安顺，一开口声线同学友相似度高达九成，令评审频频点头。
相比之下黄艺辉就勇气十足，拣咗首原创歌出赛，佢话因为自己系创作人，希望第一次登上《中声4》舞台，就可以展现出个人音乐风格。
林靖枝相隔超过20年再参加歌唱比赛，佢话当年参赛时自己仲系未成年，今次再参赛虽然心情紧张，但希望藉《中声4》嘅舞台重拾昔日梦想。
重温《中年好声音4》精彩赛事
来自北京嘅戴艺，自细就睇TVB剧集，好似《金枝欲孽》同《创世纪》，而来自辽宁嘅李昊，就话父母最钟意嘅剧集系《上海滩》，今次有机会来到电视城参加《中声4》，对佢哋嚟讲都算系梦想成真。
