《中年好声音4》最新一集「决战TVB艺人赛区」㖊晚播出，10位TVB艺人戴神秘面具献唱，仅 「企鹅人」唱《Touch》获5灯满分直接晋级，Deep V「狮子王」女歌男唱《谁来爱我》亦同样成为焦点，惹嚟网民竞猜二人真实身份！
「企鹅人」以黑色西装出场，戴企鹅面具以「拉筋式」演绎古巨基经典歌《TOUCH》，凭靓声夺得5灯，俘虏一众评审，肥妈发现「企鹅人」专注唱歌，同时紧张到手不断震。由于把靓声几似基仔，就连张佳添都笑问：「其实你系咪古巨基啊？」
由于「企鹅人」未有喺节目揭晓真正身份，引嚟不少网民喺「企鹅人」演出后化身侦探，凭唱功、身高、侧面等锁定「企鹅人」有机会系郑俊弘或视帝张振朗，另有网民估阮浩棕或周志康。网民话今次终于等到高手出场，有网民指张振朗本身唱歌真系好好听，又有网民凭「企鹅人」当日配戴嘅饰物，话「企鹅人」系参加过《超级巨声》嘅周志康，相信谜底好快揭盅。
至于，获得4灯嘅Deep V爆肌「狮子王」，歌声稳定中带柔情，谷娅溦大赞「狮子王」先声夺人，张佳添就赞拣歌拣得好，拣啱歌一开头就吸引到评审，「狮子王」笑指有一年因睇得太多卡通片，阿妈觉得佢好嘥时间，就喺暑期掉咗佢去泰国，当时「狮子王」每晚听住呢首歌，谂住喺香港嘅朋友，顿时觉得好孤单咁喺张床度喊，而主持车婉婉忍唔话：「我本来仲想问你，系咪俾人飞过好多次，点知原来『飞你』𠮶位系你阿妈。」而网民就估「狮子王」系被封「女神收割机」嘅型仔罗天宇。
