冬至呢日真系香港剑击界大日子，先有奥运金牌 张家朗 同世界冠军 蔡俊彦 于「香港公开剑击锦标赛」梦幻对决，而已经退役嘅剑击队大师兄 张小伦 亦宣布喜获麟儿，月前小伦已公开自己将为人父，呢位2024十大杰出青年，今日亦公开已经正式升任爸爸，同2019年结婚嘅太太升任做新手父母，同囝囝Miles一齐迎接新生活。
小伦话因为Miles太大只嘅关系，医生喺预产期一星期就要老婆入医院催生，但系Miles就留恋妈妈肚皮三日佢唔肯出世，最后医生决定开刀将佢带嚟世界，Miles体重有成9磅，小伦仲话囝囝同自己一样手长脚长✌️。
佢于社交平台写道：「生BB真系好似打一场激烈比赛，过程充满着变数，系产房听到BB喊声𠮶刻，真系忍唔住喊咗出嚟🥹所以，生小孩不是单纯的疼痛，而是一场需要勇气、耐力和智慧的比赛。每一位妈妈都是真正的冠军。」
「辛苦晒老婆Love you 🫶❤️
希望BB健康快乐成长，同佢嘅英文名意思一样，可以勇敢面对呢个世界🤗」
小伦又公开早前同太太一齐拍摄嘅孕照，于太太孕期30周时拍摄，即使当时太太已经腹大便便，体态仍保持纤细优雅。小伦亦表示希望儿子接触更多唔同事物，培养佢不同兴趣，最希望Miles将来会对剑击有兴趣，可以于剑道上同Miles享受亲子时光。