由艺人之家主办嘅音乐会，一连两晚喺西九举行，有份筹办嘅王祖蓝同太太李亚男，联同多位歌手艺人参与，好似关心妍、王菀之、卫兰、卫诗、孙耀威、吴文忻、车婉婉、黄剑文、陈芷盈、龚柯允等等，就连远在美国，年届96岁嘅乔宏遗孀小金子、黄恺欣、仲有杜丽莎等都有专诚来港出席音乐会。
呢晚同婉婉、芷盈、龚柯允一齐合唱嘅剑文，已经加入咗艺人之家9年，可以同一班弟兄姊妹一齐以歌声送暖，佢都觉得特别开心呀。
讲到全晚最感动嘅一环，就系小金子、陈敏儿以及黄恺欣，齐齐隔空向已返天家嘅另一半深情对话，场面令人动容。年届96岁嘅小金子，坐住轮𫐎出场，佢话：「乔宏，26年没能见到你了，我知道你在天上很好，圣诞对我跟你来说，还有更深一层意义，因为我跟你，咱们是在1957年的圣诞夜订婚，68年啦，你知道吗？我今年96岁了」然后全场布以掌声。
而陈敏儿亦分享，智叔喺人生最后一个圣诞节，虽然身体非常不适，但仍然坚持一家人出席圣诞聚会，又用二胡演挨《平安夜》，佢答应智叔会好好生活落去。
呢排忙住还歌债嘅Ivana，经常默默喺屋企写歌，难得现身舞台演唱一曲《我真的受伤了》，Ivana接受我哋主播 许文轩 访问时，仲话Edmond喺佢心目中系最佳主持，令Edmond当堂信心大增呀。Ivana表示好耐无接受访问，面对镜头都变得怕丑咗，佢话自己虽然有段时间无出嚟见大家，但其实一直喺屋企忙住写歌还歌债呀。
