每逢农历新年，TVB都会制作充满节日气氛节目，电视城呢日非常热闹，花团锦簇又有舞狮表演，充满过年气氛，电视广播有限公司行政主席许涛先生，率领一众行政人员，为新春特备节目《丙午年吉星高照年初一》录影，重头戏当然就系派利是。
Liza姐汪明荃 率领一众司仪包括 区永权 、 冯盈盈 、 阮浩棕 、 许文轩 、 庄子璇 、 倪嘉雯 同 邓凯文，仲有《中年好声音3》嘅冠亚季军唔 黄博 、张与辰 同 刘洋 ，大家着到红当当周围逗利是，重点目标一定系财神 修哥胡枫 。一向风趣嘅修哥望住主播 钟翠诗 时话「开始做财神嘅时候，妳都未出世呀！」修哥话自己每年都向大家拜年同派利是。
有份参与嘅张与辰非常兴奋，好期待新春时候见到自己嘅电视度出现向大家拜年。黄博话除咗可以向修哥逗利是，又可以同阿姐合唱，非常开心。刘洋话今年会系首次喺香港过年，已经感受到节日气氛。
回顾过去一年，以及展望来年，几位唱家班嘅愿望当然离唔开唱歌，修哥赞与辰今年歌唱成绩非常好，因为 陈松伶 个演唱会都由佢担任音乐总监。黄博 同 刘洋 都期待再推出更多好歌畀大家听，而刘洋仲想参演更多趣剧。
见大家同主席逗利是都毕恭毕敬，估唔到Albert竟然向主席提出一个好大胆嘅要求，就系大家一齐望住镜再派多次利是。盈盈话最难忘就系向修哥逗利是，因为系最好意头同福气，如果放喺屋企一年就可以财源滚滚来。Edmond话当自己发现漏咗逗修哥利是时，即时追住修哥摆好意头。阿Nic早前跟阿姐拍节目合作愉快，佢话今年最期待系去阿姐屋企拜年。
