陈自瑶（Yoyo）近年积极发展事业，唔只演技大获好评，更发展直播带货事业，成为带货女王。Yoyo最近喺社交平台宣布，将于3月到广州举行佢人生首个音乐见面会，兼且同粉丝欢度白色情人节。
Yoyo表示音乐会主题「Be your own light 做自己的光」意思系希望每人都可以成为自己嘅光，照亮自己、照亮别人，并送俾每一位正在寻找自我、或已在发光路上的嘅朋友，希望大家都可以揾到属于自己嘅光。消息一出，唔少粉丝都话好期待，亦有人反问Yoyo会唔会揾经常喺内地开骚嘅老公王浩信做嘉宾，仲话「好想见到盲侠」呀。