马德钟 陈炜 同一众《非常检控观》演员现身商场为结局篇宣传。剧中故事越嚟越紧凑，其中一幕马神同炜哥隔空争辩嘅戏份，更成为城中热话。马神话当日自己拍先，要预计炜哥嘅反应去演，相反炜哥有马神嘅拍好嘅片参考，不过呢幕剧情咁成功，要归功导演拍摄角度同剪接了得。
踏入结局篇，包希仁嘅镜反射触觉症，引发咗被佢检控过嘅罪犯返嚟找佢晦气，呢幕戏都系挑战马神演技，马神话究竟系真定系梦境，而正义嘅包希仁又会做啲咩坏事，大家要密切留意。吴伟豪 被问到展熊飞拒绝白逸桐示爱时，佢话之前20集都系白逸桐做主动，最尾5集应该会有所逆转。
陈晓华 为咗救失踪女孩，又再次不顾一切身陷险境，Hera笑言可能监制睇得出佢感情用事嘅性格，被唔少网民仲话冇经一事长一智，仍然不时犯险。蒋家旻话一直被猜测角色系忠定奸时，佢就话最后五集就会有定论。至于 赖慰玲 同张驰豪一对剧中CP，Winkie话经过Aska剧中角色饱受身世困扰后，两人感情就超了变化有大跃进。
《非常检控观》结局篇 20:30 翡翠台