《中年好声音4》今个星期播出两个钟头贺岁加长版，将会进行主题团战，40强分成八组出赛，最低分嘅三组总共淘汰4名选手。八组分别演唱《Crystal》、《手放开》、《没那么简单》、《到此为止》、《讲不出声》、《最佳损友》、《情人知己》、《呼吸有害》。
今次团战八组各有特色，当中最令人瞩目嘅一定系全五灯选手组成嘅五灯战队，包括队长袁帅、陈旭培、白羊君、吴亦伟同埋唯一一位女仔尤淑情，淑情就话几位男士对佢照顾有加，令佢好感动。
过去三届《中声》唔少选手都因为团战奠定深厚友谊，由白眉鹰王领军嘅队伍包括狮子王、蔡文驹、朗尼同谢昉益，比赛前靠吃喝玩乐，培养默契同友谊，队伍中有两位动物，原本以为艺人工作忙，冇办法全情投入比赛，但两位动物嘅投入程度就令队友大感佩服。
另一位动物队长企鹅人带领嘅组别包括麦晓东、郑家声、王卓乐同蔡宓婕，同样因为团战累积良好默契，蔡宓婕仲以「灵魂人物」嚟形容企鹅人。
前两轮比赛以出位表现令人留下深刻印象嘅罗阳，今次就带领黄艺辉、林靖枝、马浩宜同卓猷燕展现深情一面，罗阳话希望俾大家见到佢唔系净系识搞笑，卓猷燕就话无论成绩如何，最开心就系识咗四个好朋友。
另位四组都好有风格，有摇滚、有激情亦有柔情，当中两位外籍选手科亚高巴同唯一分别挑战演唱广东歌同国语歌。
《中年好声音4》星期日晚 20:00 翡翠台