《中年好声音4》㖊晚播出「导师分组赛」当中，由布志纶率领「红队」总分265分，张嘉铭率领「绿队」总分259分，银老师率领「紫队」总分258分，绿队以1分之差险赢紫队，紫队要淘汰王卓乐与谢昉益，银老师与多位参赛者泣不成声。
由于紫队总分数成绩最低，5位评判「退庭商议」后得出结果，谢昉益被淘汰时，不少战友哭成泪人，郑家声泪流披面，谢昉益连讲两次「我冇事㖞」安慰其他参赛者，更并搞Gag试图缓和气氛，称试过被途人误认系战友郑家声，话佢唱《他不爱我》好好听，郑家声闻言更激动爆喊，谢坊益感激《中声4》，让佢认识来自唔同地方嘅好友，自己亦会继续睇住大家比赛。
卓乐被淘汰𠮶阵坦言对自己失望，仍然未有一次满意演出，佢话睇呢啲「魔王」表演，自己都唔失礼，佢好希望笑住离开呢个舞台，跟住泪水喺眼眶里打转，挤出笑容，令场面伤感。
选手范子睿喺社交平台分享与卓乐喺参赛期间相处嘅感觉，佢记得第一次听卓乐唱《原谅我》，第一个观感就系「个头有啲反光同埋好串～又唔讲嘢」，范子睿称导师赛开始真正认识佢：「其实节目播出真的因为时间关系删减了很多片段～卓乐走的时候的发言真的是铁汉子的表现！搞爆晒现场所有人水煲～我依旧很记得当时婉婉姐讲：『你为甚么不转身看看你的组员？』卓乐却说：『唔得！我见到佢哋，我会搞唔掂！说罢就急急脚走落台痛哭。』」
范子睿称卓乐外表睇落好似好恶咁，私底下好搞笑、好温暖，仲好讲义气！范子睿记得比赛前10日，卓乐几乎每日都去银老师教室上课，「总是能听到上一组的选手在上课，第一次在房外听到他们唱的时候，我会在想，死啦，两个声音好似唔系好夹喔！但系随著日子嘅推移，我慢慢开始分唔清佢哋两个嘅声音，音色越来越贴、和声越来越准」。
范子睿相信卓乐喺短短10日除咗老师每次上课一、两个钟以外，课后亦付出好大嘅努力，范子睿坦言以前睇电视唔知点解参赛者要喊，当自己身在其中，「发觉好多嘢系自己控制唔到，当下好多嘅感受系无办法复制。呢一整集，我们紫组的眼泪加埋估计可以游水了」。
