吴若希、戴祖仪同丁子朗作客《StarTalk》接受主播 潘盈慧 访问，大谈早前拍摄《他们的澳洲驾期》点滴，三人首次一齐拍摄旅游节目，Jinny起初担心大家去旅行时嘅节奏好唔同，因为男士比较爽快啲，点知去完就发现完全冇呢个感觉，正当大家以为佢意有所指丁丁时，佢就话其实大家都咁爽快。
myTV Super睇《他们的澳洲驾期》友情相聚
Jinny同Joey拍摄完节目后，决定要为丁丁平反，强调丁丁冇成日补妆，而佢皮肤白系天生嘅，因为三人澳洲之行，只得丁丁冇晒黑。
Joey早前获唐碧霞师傅指点姻缘，要同土有关，所以佢哋每逢到农庄参观时，大家即时问庄主结婚未，起初Joey好尴尬，事后发现两位拍档唔会收手，于是由被动变主动，自己寻姻缘。
三人又大谈相处关系，Jinny话两位拍档系佢圈中少有倾得埋嘅朋友，丁丁同Joey都话入行后就认识Jinny，觉得对方系大姐姐感觉，不过丁丁话喺今次旅程中，就发现Jinny并非以前大姐姐同妈咪嘅感觉，其实有小朋友一面。