吴若希 戴祖仪 同 丁子朗 作客《StarTalk》接受主播 潘盈慧 访问，详谈三人首次拍摄旅游节目《他们的澳洲驾期》，行程中佢哋要按节目组安排分段驾驶私家车，点知三只「哗鬼」第一日经已失控，丁丁无按指令拍摄揸车镜头，竟然一起步就驶上高速公路。
戴祖仪又爆丁丁好受当地酒庄女性老板欢心，对方会打听丁丁踪影，完全将佢同Jinny当成透明。Jinny此行遇上野生海豚，佢话每次见到海豚都有好运，所以现时心情都期待再有好运。
佢哋又分享节目组送上惊喜，就系喺一个营火会播出三人出道时片段畀佢哋回味。讲到彼此嘅改变，Jinny大赞丁丁成长唔少，而Joey由无胆变成畅所欲言，至于Jinny就被Joey爆喺旅程中因为无仔女喺身边，所以不时醉酒。
《他们的澳洲驾期》星期一至五晚 22:30 翡翠台