郭晋安 同 黄智贤 带埋爱犬现身电台接受访问，安仔抱住三岁大嘅爱犬Hunter流露出慈父表情，原来当初养Hunter嘅原因，都系源自于安仔一伙慈父嘅心，因为安仔知道囡囡钟意Hunter，于是佢秘密领养，到生日时送畀囡囡做惊喜礼物。
不过一如佢所料，Hunter嘅日常都系由佢照顾，再次养狗，安仔话最挑战系当Hunter病咗时候要照顾，亦要有心理准备他日佢嘅离开。安仔以往拍剧，甚至打理生意都日理万机，而Hunter就系佢生活中嘅减压良方，安仔话放工后返到屋企就会照顾Hunter，过程中就会放底工作上嘅压力。
阿Ben同太太养咗三只狗女，而手抱嘅就系7岁大嘅二女Cup Cake，阿Ben话当初睇中Cup Cake活泼性格，因为佢同太太比较静，希望屋企有位好动小朋友周围走，添加生活气氛。不过Cup Cake原来系小霸王，平时喺屋企好嘈。讲到三只宝贝狗女，阿Ben话每次返到屋企都要先摸晒佢哋，再锡晒佢哋，过程中就令到佢感觉到自己好重要，而呢份感觉就非常良好咁话。
