Honey Punch 全新主打歌《楼上的姐姐》推出， MV仲邀请咗近期人气急升嘅「葵芳」蔡蕙琪特别演出，化身为神秘嘅邻家姐姐。新歌由 伍乐城 包办作曲、编曲同监制，黄伟文则写尽少女远观大人情感世界嘅好奇同青涩。 歌词以「小妹妹」视角出发，探究一人分饰两角嘅姐姐蔡蕙琪大人世界，阿Kay分别饰演嚎哭失恋姐姐同潇洒失恋姐姐，非常投入歌曲中嘅角色，演技爆灯。
伍乐城指再同Wyman合作自己期待满分，又大赞Honey Punch几位年轻成员出道短短8个月，再拍MV已经有明显进步，加上Kay精湛演技，强烈对比效果令佢非常满意。 而身为队长嘅Casey，对新歌亦有特别感受，佢话 ：「首歌其实好表达到我心里面嘅感受，又想拍拖但系又惊，到我哋正式听到首歌嘅时候就好似有一个答复咁！另外最惊喜系Wyman哥哥同Kay姐姐都有share我地既MV，真系好似发梦咁。」
其他成员就话今次好开心同Kay有合作演出机会，而且更一齐拍跳舞Reels。佢哋话拍慢歌MV感觉好似拍戏一样。而每个人嘅个人镜头都靓爆镜，加上见到Kay演戏大开眼界。
