关心妍筹办跨机构筹款骚 盼望拉拢好友以歌声送暖

关心妍 黄剑文 陈芷盈 同 龚柯允 为稍后举行嘅慈善音乐会彩排，呢日Jade嘅囡囡都有现身，仲准备咗雪糕请一班参与彩排嘅朋友仔食。大家又为月底生日嘅Jade送上惊喜，趁佢同囡囡练歌时送上蛋糕庆祝，令Jade惊喜万分。

Jade生日愿望系首个跨慈善机构嘅筹款骚能顺利完成，希望更多年青人同小朋友得到温暖同爱，佢亦表示喺现时大环境下，真系非常需要大家出心出钱去支持呢个骚。

龚柯允觉得佢哋每位都有自己嘅特质去传递爱，但可以保证嘅大家都系靓声之人。Jade都话三位老友各有优点，相信喺台上可以令年青人同小朋友感受到爱的力量。