资深演员 梁爱 于7月8号在内地一家老人院因病离世，享年87岁，据知其家人已为爱姐办好身后事。爱姐于去年不幸被确诊患上被喻为「癌中之王」嘅胰脏癌。面对呢个极大打击嘅消息，爱姐以坚强同豁达态度面对，早已看破生死嘅佢，仲讲过祝佢长命百岁系等如同佢过唔去，因为佢觉得死得快好世界。爱姐患病后决定与癌共生，拒绝接受任何治疗，希望喺没有任何痛苦治疗下，以最自然平静嘅心情面对人生终结。
爱姐从事演艺事业超过半世纪，有「御用工人」之称，因为喺多套作品中，佢都系饰演工人，虽然角色未必显眼，但佢嘅贴地演技同谈吐，令观众留下深刻印象，大家以后可以透过剧集去缅怀梁爱嘅一生。经常去探望爱姐嘅杨绍鸿，亦发文写上「呢次系最后一次见你，无语。亲爱的爱姐，一路好走，有缘嘅话，我哋下辈子再合作。」
