方力申梦想成真带爱女上游泳班 Isla游水初体验由紧张变主动

方力申  同爸爸 方毓仁、细佬 方圆明 作客节目《家传之「保」2》，将于24号晚 8 点喺翡翠台播出。节目中，小方讲过希望将游水嘅热诚传承畀囡囡Isla。节目都未播出街，小方呢个愿望就实行咗第一步。

小方喺社交平台分享咗Isla第一次上游泳班嘅片段，见到小方抱住囡囡坐喺池边踢水，片中Isla个样好似有啲疑惑，小方话：「原来平时好钟意玩水嘅佢，去到陌生嘅泳池一开始都系紧张，慢慢适应之后就好啲。」的确睇到Isla表情越来越放松，仲会同爸爸一齐玩兼且自己踢水，小方都话好期待再同Isla一齐上游泳班。