米雪 6月份先开完入行55周年演唱会，转头佢又投入准备10月份嘅歌剧演出喇。米雪演歌剧听落好似好新鲜，原来今次仲系一个结合粤剧嘅原创歌剧，有机会参与呢个中西合璧嘅演出，米雪都觉得好新鲜：「佢个唱法系Crossover，意大利歌剧结合粤剧，几特别，几好玩。」
米雪喺剧中饰演女皇，有时装亦有古装，同剧演员个个都唱唔同语言，有意大利文、法文、英文，又有粤语，相信观众都会觉得好有新鲜感。
曾经为TVB剧集《灵戏逼人》献唱剧集歌嘅粤剧花旦 林颖施 ，今次同米雪会有唔少对手戏，原来两人过往曾合作粤剧演出，呢日喺现场仲见到米雪好细心帮颖施执妆容，颖施透露曾经同米雪一齐去新加坡演出，私底下感情好好，情同姊妹，米雪私底下仲会传授佢养生秘诀。
本身系歌剧演员嘅男主角颜嘉乐，对于有机会同跨界别嘅对手合作，都觉得好期待。而音乐总监周晓晴就话因为要结合中西方音乐，所以好有难度。
